لاہور میں نوکری کا جھانسہ دیکر خاتون سے اجتماعی زیادتی،گردہ بھی نکال لیا گیا

ایف آئی آر کے مطابق واقعہ ڈیڑھ ماہ قبل لاہور کے علاقے چوہنگ میں پیش آیا، ملزمان نے خاتون کو نوکری کا جھانسہ دے کر اغوا کیا اور راولپنڈی لے جا کر ایک گھر میں قید کر دیا۔ ملزمان نے خاتون کو مبینہ طور پر اجتماعی زیادتی کا نشانہ بھی بنایا۔ میڈیکل چیک اپ میں خاتون کا بایاں گردہ نہ ہونے کا انکشاف ہوا۔ چیئرپرسن ویمن پروٹیکشن اتھارٹی پنجاب حنا پرویز بٹ نے ڈی آئی جی آپریشنز لاہور سے رپورٹ طلب کرلی اور واقعے میں ملوث تمام ملزمان کو فوری گرفتار کرنےکا حکم دے دیا۔ حنا پرویز بٹ کا کہنا ہےکہ متاثرہ خاتون کو مکمل قانونی، طبی اور نفسیاتی معاونت فراہم کی جائےگی۔