لاہور میں 3 بچوں کے لرزہ خیز قتل کا معمہ حل، ذبح کرنے والی والدہ گرفتار

لاہور کے علاقے اچھرہ میں واقع شاہ جمال ماشاء اللہ پلازہ کے گھر سے تین بچوں کی گلا کٹی لاشیں برآمد ہوئیں، پولیس نے معمہ حل کرتے ہوئے والدہ کو گرفتار کرلیا۔ تفصیلات کے مطابق اچھرہ کے علاقے میں قائم شاہ جمال ماشاءاللہ پلازہ کے گھے سے تین بچوں کی گلا کٹی لاش برآمد ہوئیں جس پر پولیس نے وقوعہ کا دورہ کیا اور متضاد بیانات پر پولی پولیس نے متضاد بیان پر والدین اور چچا کو حراست میں لے لیا۔ پولیس کے مطابق بچوں کو نامعلوم وجوہات کی بنا پر تیز دھار آلے سے قتل کیا گیا، والدین گھر کو تالا لگا کر دوائی لینے کے لیے گئے تھے جبکہ بچے گھر میں اکیلے تھے۔ ایس پی انویسٹی گیشن ماڈل ٹاؤن کی سربراہی میں ملزمان کی گرفتاری کے لیے ٹیم تشکیل دے دی گئی۔ ڈی آئی جی انویسٹی گیشن سید ذیشان رضا کے مطابق فرانزک ٹیموں نے جائے وقوعہ سے شواہد اکٹھے کر لیے ہیں، مقتولین کی لاشوں کو ڈیڈ ہاؤس منتقل کیا جا رہا ہے، واقعے کی تمام پہلوؤں سے تفتیش کی جا رہی ہے، معصوم بچوں کو قتل کرنے والے تمام ملزمان کو جلد گرفتار کر کے کیفرِ کردار تک پہنچایا جائے گا۔ سید ذیشان رضا کے مطابق ملزمہ نے دوران تفتیش بتایا کہ شوہر نے اُس کے کردار پر شک کیا اور انگلی اٹھائی جس پر اُس نے طیش میں آکر بچوں کو قتل کردیا۔ دوسری جانب واقعے کا مقدمہ اچھرہ تھانے میں پولیس کی مدعیت میں درج کرلیا گیا جس میں ملزمہ کو نامزد کیا گیا ہے۔ آئی جی پنجاب عبدالکریم نے نوٹس لیتے ہوئے سی سی پی او لاہور سے رپورٹ طلب کی تھی۔ آئی جی پنجاب نے ڈی آئی جی آپریشنز لاہور کو قتل میں ملوث ملزم کی فوری گرفتاری کا حکم دیا، ملزم کی گرفتاری کے لیے تمام وسائل بروئے کار لائیں۔ ترجمان پنجاب پولیس کے مطابق سینیئر افسران اور فرانزک ٹیمیں موقع پر موجود ہیں جبکہ شواہد اکٹھے کر لیے گئے۔ ڈی آئی جی آپریشنز لاہور کا کہنا ہے کہ ملزم کی گرفتاری کے لیے ٹیمیں تشکیل، جلد گرفتار کر لیں گے۔