دبئی پولیس نے بچےکے سڑک پر بائیک چلانے پر 38لاکھ روپے جرمانہ عائدکردیا

خلیجی اخبار کے مطابق دبئی ٹریفک پولیس نے پیٹرولنگ کے دوران دو بچوں کو مین روڈ پر چار پہیوں والی کواڈ بائیک چلاتے دیکھا تو فوری طور پر انہیں روک لیا اور ان کے والدین کو طلب کرکے بائیک بھی ضبط کرلی۔ پولیس کی جانب سے 50 ہزار درہم 'جو پاکستانی روپے میں تقریباً 38 لاکھ روپے بنتے ہیں' جرمانہ بھی عائد کیا گیا ۔ دبئی پولیس نے والدین کو خبردار کیا ہے کہ وہ اپنےکم عمر بچوں کو سڑکوں پر بائیک یا کسی بھی گاڑی چلانے کی اجازت نہ دیں کیونکہ یہ اقدام نہ صرف بچوں بلکہ دیگر شہریوں کے لیے بھی سنگین خطرہ پیدا کرسکتا ہے۔ دبئی پولیس نے واضح کیا ہے کہ جو کوئی بھی بچوں یا شہریوں حفاظت کو خطرے میں ڈالےگا، اس کے خلاف سخت قانونی کارروائی کی جائےگی۔