شہید بے نظیر بھٹو کی برسی پر سندھ بھر میں 27 دسمبر کو عام تعطیل کا اعلان

اس حوالے سے باضابطہ نوٹیفکیشن بھی جاری کر دیا گیا ہے، جس کے مطابق سندھ کے تمام اضلاع میں سرکاری اور نیم سرکاری دفاتر بند رہیں گے۔ نوٹیفکیشن کے مطابق خودمختار ادارے، بلدیاتی ادارے اور مقامی حکومتوں کے دفاتر بھی تعطیل کے باعث بند رہیں گے۔ حکام کے مطابق اسپتال، ریسکیو سروسز اور دیگر ضروری ادارے معمول کے مطابق کام کرتے رہیں گے۔ 27 دسمبر کو برسی کے موقع پر صوبے بھر میں مختلف تقریبات، دعائیہ مجالس اور سیاسی اجتماعات منعقد کیے جائیں گے۔ واضح رہے کہ شہید بے نظیر بھٹو 27 دسمبر 2007 کو راولپنڈی میں دہشت گرد حملے میں شہید ہو گئی تھیں۔