دنیا کا خوبصورت ترین ریلوے اسٹیشن کس ملک میں موجود ہے؟

کچھ اسٹیشنز ان کو پسند نہیں آتے، کچھ اوسط درجے کے لگتے ہیں اور کچھ ان کے دلوں میں جگہ بنالیتے ہیں۔ مگر دنیا کا سب سے خوبصورت ریلوے اسٹیشن کونسا ہے جس کی خوبصورتی دیکھنے والوں کو مسحور کر دیتی ہے؟ Prix Versailles کے سالانہ انٹرنیشنل آرکیٹیکچر ایوارڈز میں دنیا کے خوبصورت ترین ریلوے اسٹیشنز کے ناموں کا اعلان کیا گیا۔ 2026 کے لیے دنیا کے خوبصورت ترین اسٹیشنز کی اس فہرست میں سعودی عرب اور اٹلی چھائے رہے مگر سب سے خوبصورت اسٹیشن آسٹریلیا میں موجود ہے۔ مجموعی طور پر 7 ریلوے اسٹیشنز کا ان کے تخلیقی، منفرد اور مقامی ثقافتی سے جڑے ڈیزائن کی بدولت فہرست کا حصہ بنایا گیا۔ اس فہرست میں سب سے اوپر آسٹریلیا کے شہر میلبورن میں موجود ٹاؤن ہال اسٹیشن سرفہرست رہا۔ اس کے حجم اور کیتھیڈرل جیسے تعمیراتی انداز کے وسیع و عریض پلیٹ فارمز اور کاپر سے بنی چھتیں دیکھنے والوں کو دنگ کر دیتے ہیں۔ فرانس کے شہر لیون کا Part-Dieu اسٹیشن اس فہرست میں دوسرے نمبر پر رہا۔ اس اسٹیشن کو کمیونٹی اسپیسز، فرانس کی سب سے بڑی سائیکل پارکنگ گیراج اور آرٹ گیلری کی بدولت اس فہرست کا حصہ بنایا گیا۔ تیسرے نمبر پر اٹلی کے شہر روم کا Colosseo–Fori Imperiali اسٹیشن رہا۔ فہرست میں بتایا گیا کہ یہ اسٹیشن سفر کو ثقافتی ایڈونچر بنا دیتا ہے اور اس کے اندر لوگ شہر کی تاریخ میں کھو جاتے ہیں۔ اٹلی کے ہی شہر نیپلز کا مونٹ سینٹ اینجلو اسٹیشن کے حصے میں چوتھا نمبر آیا۔ سعودی شہر ریاض میں واقع ویسٹرن اسٹیشن اور نیشنل میوزیم اسٹیشن بتدریج 5 ویں اور چھٹے نمبر پر رہے۔ ان دونوں کے صحرائی ٹیلوں سے متاثر منفرد ڈیزائن کو فہرست میں سراہا گیا۔ 7 ویں نمبر پر امریکی شہر لاس ایجنلس کا لیکس میٹرو ٹرانزٹ سینٹر رہا۔